|
Ny sasakalin'ny 24 Desambra no fankalazana ny Krismasy any Alemaina. Feno hipoka ny fiangonana amin'io satria mamonjy fiangonana avokoa ny ankabeazan'ny olona. Voaravaka jiro sy labozia maro loko ny alitara ary atao miharihary eo anoloana Jesoa zaza, hodidinin'ny lamban-jaza ary misalanitra ao anaty fihinanam-bilona, akiraviravy koa ny kintana lehibe manandrambo mamirapiratra. Miara-miredona ny hira "Stille Nacht" (alina masina) sy ny "O Tanenbaun" (Mon beau sapin) ravahin'ny mozika klasika voaomana tsara mampiavaka an'i Alemaina ny mpamonjy sasakalina. Manolotra amboaran-kira klasika koa ny "Chor" na ny antokom-pihira. Mitohy ny 25 Desambra maraina ny fety.
|
Olivanaina
Rakotodavid
|
